Мужской журнал "Эгоист" / Борисовский портал / Мужской.бел / Мужской.бел

ТРЭБА ТАК! НОВЫЯ КОНКУРСЫ І НАМІНАЦЫІ ПЯТАГА ФЕСТЫВАЛЮ AD.NAK!

Добавлено 17.05.2014

Стартаваў Пяты, юбілейны, фестываль беларускамоўнай рэкламы і камунікацыі AD.NAK!, які штогод звяртае ўвагу прафесійных рэкламшчыкаў і грамадства Беларусі да рэкламы і іншых сродкаў маркетынгавых камунікацый, выкананых на беларускай мове.

У гэтым годзе Фестываль узмацняе выснову: калі ты хочаш быць заўважным, заўважаным і паважаным, трэба дбаць пра свае – беларускія – інтарэсы (асабістыя і/ці карпаратыўныя), абапіраючыся на нацыянальнае, ментальнае. Тады ты паспяховы, тады ты ў трэндзе, ты – адметны! Асноўная думка, якую нясе Фестываль сёлета, – “Думай глабальна – дзейнічай лакальна!”. Карыстаючыся гэтым лозунгам, Фестываль AD.NAK! сёлета абвяшчае:“Трэба так! Дбай пра сваё – не прагадаеш!”

У праграме Фестывалю ў гэтым годзе адбыліся значныя змены – пашырылася колькасць намінацый, абноўленая і конкурсная праграма.

Чым адрозніваюцца НАМІНАЦЫІ ад КОНКУРСАЎ? Галоўнае адрозненне ў тым, што ў НАМІНАЦЫЯХ могуць удзельнічаць толькі рэальныя, зацверджаныя замоўцамі і рэалізаваныя праекты.

У межах КОНКУРСАЎ жа ўдзельнікам прапануецца праявіць свой крэатыў, стварыць работу па зададзенай тэме і такім чынам удзельнічаць у праграме Фестывалю. Конкурсы ладзяцца найперш для таго, каб прыцягнуць маладыя таленты, для якіх у пачатку прафесійнага шляху вельмі важная практычная рэалізаванасць сваіх працаў.

Шмат якія намінацыі ўжо знаёмыя ўдзельнікам Фестывалю з мінулых гадоў. Сярод новых намінацый варта адзначыць МАРКЕТЫНГАВУЮ ЭФЕКТЫЎНАСЦЬ і ІНАВАЦЫІ. Нагадваем, што да ўдзелу ў намінацыях запрашаюцца аўтары рэалізаваных беларускамоўных рэкламных і маркетынгавых праектаў, якія не ўдзельнічалі ў фестывалях мінулых гадоў. Аднак прадугледжаная намінацыя, у якой можа паўдзельнічаць любы чалавек, неабавязкова рэкламіст. У намінацыю “Каша сувораўская” можа трапіць любы здымак факту (надпіс, выява, шыльда), што паказвае ці ўжывае памылковыя гістарычныя і культурніцкія стэрэатыпы ці зроблены супраць усіх канонаў рэкламнай логікі.

Частка конкурсаў набудзе новы фармат воркшопаў. У гэтым фармаце пад кіраўніцтвам прафесійных куратараў удзельнікам прапануецца стварыць вонкавую і друкаваную рэкламы на злабадзённыя тэмы – супраць распаўсюду і ўжывання моладдзю сінтэтычных наркотыкаў (AD.NAK! СУПРАЦЬ DRUGS) і папулярызацыя безнаяўных разлікаў у краіне (ПЛАЦІМ БЕЗНАЯЎНА). Партнёрам конкурсу “Плацім безнаяўна” выступіла плацёжная сістэма Рэспублікі Беларусь “Белкарт”.

У гэтым жа фармаце пройдзе конкурс ІНФАГРАФУЙ ГІСТОРЫЮ AD.NAK!, у межах якога канкурсанты зробяць сучасную інфаграфіку, прысвечаную гісторыі Фестывалю.

Арганізатары ўпэўненыя, што фармат воркшопа дапаможа атрымаць у выніку праекты пэўнага ўзроўню, якія змогуць стаць асновай для стварэння і рэальнага распаўсюджвання ідэі ў розных фарматах – на білбордах, постарах, у друкаваных СМІ і інш.

Конкурс БРЭНД-ПЕРАЗАГРУЗКА развяжа рукі рэкламшчыкам і прапануе ўдзельнікам ператварыць мясцовыя гандлёвыя маркі і брэнды так, каб яны адназначна ўспрымаліся як беларускія. Згоду здацца на літасць дызайнерам далі “Онега”, AIST, “Сочный і M1NSK.

Яшчэ адзін сёлетні конкурс – ЗДЗІВІ ІНТУРЫСТА! У яго межах удзельнікам прапануецца стварыць дызайн-канцэпт беларускіх сувеніраў, што будуць вырабляцца ў прамысловых маштабах: ільняная торба, майка, кубак і нататнік.

Пераможцаў намінацый і конкурсаў чакаюць павага, прызнанне і каштоўныя прызы ад партнёраў Фестывалю. Генеральны партнёра AD.NAK! у гэтым годзе – кампанія velcom.

ЯК ЗАЎСЁДЫ, УДЗЕЛ У ФЕСТЫВАЛІ БЯСПЛАТНЫ!

Дэдлайн прыёму працаў – 9 чэрвеня. Фінальная частка Пятага фестывалю беларускамоўнай рэкламы і камунікацыі AD.NAK! – урачыстая цырымонія ўзнагароджання пераможцаў з папярэдняй адметнай адукацыйнай праграмай з удзелам замежных экспертаў – пройдзе 25 чэрвеня ў Мінску.

Усе падрабязнасці пра Фестываль, намінацыі і ўмовы ўдзелу ў воркшопах шукайце ў адпаведных раздзелах сайта Фестывалю Adnak.by. Па дадатковую інфармацыю звяртайцеся па тэлефонах: +375 29 177-0121, 29 755-1434. E-mail: adnak@budzma.org.

 

Трэба так! Дбай пра сваё – не прагадаеш!


Бесплатно Photos ПриложениеVBORISOVE для вашего браузера Бесплатно Photos Новости Борисова наYANDEX.BY Бесплатно Photos ПриложениеVBORISOVEдля ANDROID (2.0 и выше)
Мужской журнал "Эгоист" / Борисовский портал / Мужской.бел / Мужской.бел

Отправить SMS


   
Все сервисы
Реклама на сайте
Прайс-лист на рекламу
Разработка сайтов & баннеров
Партнерская программа
О нас


VBORISOVE.BY, Первый Борисовский Портал, 2011-2012 г.
Сайт VBORISOVE.BY размещен на сервере в Республике Беларусь.
Ресурс VBORISOVE.BY зарегистрирован в Государственной инспекции РБ по электросвязи при Министерстве связи и информатизации Республики Беларусь 
Рег. № SI92564D130R126572ID60581120525 | УНП 691472517


Все материалы размещённые на страницах сайта, взяты из открытых источников в сети интернет, размещены исключительно в ознакомительных целях и ни в коем случае не могут быть использованы в коммерческих целях, а так же не могут быть расценены как руководство к действию. Все права на картинки и тексты принадлежат их авторам.
Сайт доступен по гостевому доступу ByFly